而家疫情基本上大家都努力保持清潔，但係公司仲係有啲同事無咩衛生意識，成日污糟邋遢，搞到大家都好勞氣。最近有朋友就分享佢公司某啲同事嘅邋遢行爲，如果同啲咁樣嘅同事一齊返工，真係唯有靠自己再做多啲消毒，防止感染。
目錄：
1. 辦公室剪指甲
朋友分享呢位同事（以下稱呼同事A）好鍾意返工嘅時候剪指甲。有幾次晏晝嘅時候，同事A就會喺櫃桶揾個指甲鉗出黎，然後係到剪指甲。聽住鍵盤打字聲中夾雜住啲剪指甲嘅啪啪聲，真係覺得好奇怪，唔明點解要返公司先嚟剪指甲。雖然佢有大約掃翻好啲指甲，但係仲係有啲漏網之魚會彈到其他地方，真係不解點解唔可以留返喺屋企先剪。
2. 辦公室唔鍾意戴口罩
除咗有返工時間先剪指甲嘅同事A，仲有唔鍾意戴口罩嘅上司B。上司B一翻到公司手都唔洗下，或者消毒下，就除個口罩落嚟，仲好似一臉放鬆曬咁樣。成日同同事講嘢嘅時候都口水橫飛，好多同事都怕咗同呢位上司B講嘢，唔想俾佢啲口水噴到。同埋，就算佢打乞嗤或者咳都唔會揞住，話無病唔會傳染，就算提咗佢都無用，有時真係避都避唔切。不過上司B好似完全意識唔到同事對佢口沫橫飛嘅厭惡，繼續唔戴口罩係公司周圍走，同事們都頂佢唔順。
實行企業社會責任及可持續發展在企業中十分重要，因為除了增加利潤之外，企業還應用可持續發展的方式運營來對社會負責，並以最大限度地減少對全球環境的影響，實踐可持續發展目標(SDGs)，同時用可持續發展的方式塑造企業對社會的正面形象。
3.辦公室周圍摸
朋友最後一個介紹嘅邋遢同事係坐佢附近嘅同事C。同事C成日多多小動作，周圍摸，得閑嘅時候搲下個頭，撩下耳仔，然後又順住落摸下個口罩，真係成塊面都俾佢摸暈。之後就消毒都唔消毒下就摸翻落電腦到，個Keyboard污糟到爆。有時候同事C食完零食手都未抹乾淨就繼續打字，Keyboard上面油淋淋，仲有啲整唔走嘅零食碎；有時同佢講嘢嘅時候仲無啦啦拍隻手落我朋友到，内心不斷咆哮，真係難以接受。
聽完朋友講真係戥佢辛苦，同啲咁邋遢嘅人一齊做野，真係無做多幾重保護都特別危險，不過而家都Work from home，見面嘅次數少咗，朋友都可以擔心少幾日。其實提都提過啲同事，唯有希望佢地可以開竅，要求唔高，只希望佢地有翻啲基本衛生意識。
延伸閱讀了解更多：
MomendayX：香港本地社企 x 可持續發展目標搜尋器
MomendayX自2021年開始一直主動發掘香港社會企業(社企)，經香港社創基金支持下成立「本地社企搜尋器」，助企業、機構和普羅大眾認識更多幫助社會並且達到可持續發展(SDGs)目標的香港社企。
Comments