居家抗疫壓力大，留喺屋企日對夜對同一個環境，Work From Home 翻到好攰？不如俾自己一啲放鬆下嘅時間啦。除咗做自己鍾意做嘅興趣嚟減壓，今次介紹四個緩解壓力嘅方法俾大家可以參考吓。
目錄：
1.正念冥想Mindfulness Meditation
正念係指我地對於自己以及身處的環境有意識，防止被日常繁瑣的事務淹沒。初學者一開始可以先每日進行5-10分鐘訓練，習慣後再慢慢延長每次嘅練習時間。正念冥想可以令大腦放鬆，保持好奇，提高專注力，有正面謙和的態度面對環境。
暫時放下手頭上的工作，揾一個無咁多雜物嘅地方安靜自己坐低，調整自己舒服嘅姿勢，放鬆整個人，將注意力集中係呼吸或身體的感覺上。感受著自己嘅呼吸，即使思緒飄走，係腦海浮現好多畫面都唔緊要，只要靜落嚟觀察就可以，唔洗執著於判斷。你亦可以播放令你放鬆的背景音樂，幫助你更進入冥想狀態。
（影片來源：Headspace YouTube）
以上是Headspace介紹有關冥想的影片。你可以考慮使用Headspace應用程式，幫助鍛煉正念冥想。程式仲有唔同資訊加深你對冥想嘅認識。
2. 自我按摩 Self massage
Work From Home 長時間對住電腦搞到肌肉綳緊酸痛，但係又出唔到去揾人按摩，咁就不如自己學下一d舒緩肌肉綳緊嘅簡單按摩方法啦！以下是一些參考例子，大家無需要工具就做到，可以按自己需要和情況簡單按摩。
頭部按摩：用指尖輕輕以打圈的方式按摩太陽穴，一邊打圈拇指一邊順著髮際線移動，直到指尖在額頭中間相遇。
頸部按摩：將兩到三隻手指放在頸部後面與肩膀相接的地方，用力按壓並握住該區域，當肌肉感覺放鬆時可停止按摩，並慢慢前後轉動肩膀。（將以上動作重複3次）
肩部按摩：將右手放在右傷斜方肩上，按壓上斜方肩3次，從外側開始向頸部移動（然後在左側重複動作）
3. 聆聽Lo-fi music
Lofi music （低傳真音樂）指音樂製作中因爲藝術性考量而收錄到環境雜音，顧名思義就係比較隨性「不完美」嘅自由音樂。Lofi Music 嘅主要元素有電子鋼琴、留白、自然環境聲等，旋律較爲重複。Lofi muic「不完美」嘅「缺陷」令大腦產生反應，幫助提高注意力和刺激大腦活動，減少焦慮，透過柔和聲音放鬆身心，鎮靜情緒。在各大音樂平臺例如YouTube、 Spotify等都會見到各式各樣嘅Lo-fi音樂，大家都可以隨心選擇自己喜歡嘅Lofi音樂風格聆聽。
YouTube賬號Lofi Girl是其中一個最受歡迎的選擇，並設有24小時的播放影片可以讓大家隨時隨地聆聽。
4. Zentangle
Zentangle「禪繞畫」已經流行一段時間。無需任何藝術基礎，只要簡單的紙和筆，重複畫點、直線、弧線、蛇形和圓形（合稱「iCSO」）就可以畫出Zentangle，達到紓壓的效果，適合大家在家以畫畫放鬆身心。Zentangle就像「大腦瑜伽 」，無需要思考畫成點，只需要專注於筆尖上。透過禪繞畫幫助内心達到平靜安定，而作畫無對錯亦無技巧，只需要保持平靜無雜念的狀態。大家可以到網上搜尋有關Zentangle的介紹與教學影片。
希望以上嘅方法可以幫到大家係居家抗疫的時候放鬆身心，保持心境愉快，能夠再有動力同勇氣面對疫情所帶來的挑戰。
實行企業社會責任及可持續發展在企業中十分重要，因為除了增加利潤之外，企業還應用可持續發展的方式運營來對社會負責，並以最大限度地減少對全球環境的影響，實踐可持續發展目標(SDGs)，同時用可持續發展的方式塑造企業對社會的正面形象。
延伸閱讀了解更多：
MomendayX：香港本地社企 x 可持續發展目標搜尋器
MomendayX自2021年開始一直主動發掘香港社會企業(社企)，經香港社創基金支持下成立「本地社企搜尋器」，助企業、機構和普羅大眾認識更多幫助社會並且達到可持續發展(SDGs)目標的香港社企。
Comments