疫情期間都想繼續做運動？或者想培養堅持做運動嘅習慣？而家有唔少系統性運動嘅App同平台，今次推介4款運動App，大部分嘅課程都係免費，而且内附嘅輔助功能可以幫助你有效安排適合自己嘅運動計劃。
目錄：
1. Daily Yoga
（相片來源：Daily Yoga Facebook）
Daily Yoga 擁有5千萬用戶嘅強大網路，超過100個瑜伽冥想課程幫助不同程度嘅人士學習瑜伽、普拉提或冥想。一系列嘅介紹課程可以幫助初學者用家喺兩星期内建立有趣嘅瑜伽體驗。除咗提供針對性教學影片同度身訂造課程之外，Daily Yoga仲設有詳盡嘅運動分析報告，記錄同追蹤你嘅進度，例如卡路里消耗、練習時長、心率變化等。Daily Yoga仲招聚全球瑜伽愛好者，讓大家互相分享成果，認識同好。
程式重點：
超過100個瑜伽冥想課程
社區功能Community
詳盡運動報告
配合運動嘅音樂
全球名師課堂
Apple App Store download：連結🔗
Android Google Play download：連結🔗
2. Nike Training Club
（相片來源：Nike Training Club Facebook）
國際運動品牌Nike 推出的Nike Training Club程式提供超過185項由Nike Master Trainer 設計、適合不同程度嘅免費運動計劃，例如HIIT、瑜伽、自重訓練等運動，讓用家喺任何空間、無論有無器材下都可以運動。課程亦分爲唔同時常、強度、或程度，讓大家按需要同自己程度進行訓練；使用程式做得愈多運動，程式亦會按你嘅進度推薦相關計劃，讓你更有效建立運動習慣。
程式重點：
超過185項運動課程
個人化推薦
訓練分爲不同程度
居家運動計劃系列
無需工具也可運動
Apple App Store download：連結🔗
Android Google Play download：連結🔗
3. Adidas Training by Runtastic
（相片來源：Adidas Training by Runtastic website）
Runtastic設有超過180部練習影片，最快7分鐘做完運動。程式允許用家根據自己的運動習慣和需要，設定合適自己嘅目標。程式提供嘅訓練都無需要用家使用額外嘅工具輔助，就可以達到減肥健身嘅功效，隨時隨地都可以健身。程式亦提供營養指南，令你更有效達成目標，保持健康。程式而家喺App Store設有挑戰計劃“Support Every Move” ，邀請大家接受Adidas發出嘅運動挑戰。
程式重點：
超過180部訓練影片
5個健身計劃
個人化訓練計劃
7-45分鐘運動鍛煉
設有營養資訊，配合健身計劃
健身進度攝影
Apple App Store download：連結🔗
Android Google Play download：連結🔗
4.FitOn Workouts & Fitness Plan
（相片來源：FitOn Facebook）
FitOn設計嘅運動訓練程式擁有超過1千萬會員，並有各式各樣嘅運動種類，例如HIIT、Toning、瑜伽、拉筋運動、舞蹈等，亦包括冥想教學影片，達至身心健康。除咗唔同種類嘅運動之外，用家亦可以按想要重點訓練嘅相關部位、時長、強度、導師等選擇適合嘅影片教學運動。程式月費計劃亦設有飲食計劃配合運動計劃，不過官方網站亦有介紹健康飲食與運動嘅專欄文章，令大家全面瞭解如何從各方面保持身心健康。
程式重點：
多元化運動種類選擇
指導式冥想計劃
著名運動教練
全方位訓練
提供專業個人化意見
Apple App Store download：連結🔗
Android Google Play download：連結🔗
以上4款推薦嘅運動應有程式都係免費，部分亦設有升級版嘅會員功能。大家可以按自己嘅需要進行鍛煉，即使身處屋企都可以得到專業嘅運動健身指導，愉快地運動，保持身體健康。
實行企業社會責任及可持續發展在企業中十分重要，因為除了增加利潤之外，企業還應用可持續發展的方式運營來對社會負責，並以最大限度地減少對全球環境的影響，實踐可持續發展目標(SDGs)，同時用可持續發展的方式塑造企業對社會的正面形象。
延伸閱讀了解更多：
MomendayX：香港本地社企 x 可持續發展目標搜尋器
MomendayX自2021年開始一直主動發掘香港社會企業(社企)，經香港社創基金支持下成立「本地社企搜尋器」，助企業、機構和普羅大眾認識更多幫助社會並且達到可持續發展(SDGs)目標的香港社企。
Comentarios