第五波疫情下留喺屋企做嘢，身邊好多引誘或者問題需要處理，而令到自己原本要完成嘅事一拖再拖。其實根據研究，95%的人都會某程度上拖延。既然係咁，我地到底點樣先可以有動力地完成工作，唔洗再做Deadline Fighters？而家介紹三個可實踐嘅方法幫助我地對付拖延症。
首先我地要知道「拖延」指嘅係我地選擇做其他事情而唔係當務之急嘅事務，傾向完成一啲簡單愉快嘅任務。雖然知道事情嘅重要性，但可能會因爲嗰件事太難、需要太多時間、比較繁複而拖延。當你接受自己面對拖延情況就已經踏出解決問題嘅第一步，之後就需要找出自己拖延嘅原因，例如：
係唔係因爲無確實Deadline而逃避？
擔心自己做錯、完美主義而拖耐啲先做？
因爲件事太大太難而唔想開始？
瞭解到自己拖延嘅原因之後，就可以參考以下三個策略嚟對付拖延症。
目錄：
1.設定目標
開始工作前，先訂立可行、簡單嘅目標，幫助指引自己完成各項又難又複雜嘅事。所設定嘅目標需要具體可行，按自己嘅能力和情況而定。例如每日列出三個目標項目，並分配好完成時間，咁就可以幫助你更容易可行地實現目標。你亦可以設定比實際截止日期早一啲嘅時間，預留任何突發事情會發生，或者當俾自己時間進行檢查，提高工作完成度。
2.分成細項
將自己唔係咁感興趣嘅任務細分成唔同工序完成，令任務變得無自己想像中複雜同棘手。喺過程中先完成比較簡單或者擅長嘅步驟，增加自己嘅自信心同滿足感，然後再完成較難嘅任務，提升效率，保持良好進度。過程中遇到困難就及時尋求協助，得到幫助儘快完成；並俾自己一啲休息嘅時間，得到適當嘅休息可以增加注意力同減輕壓力。
3.獎勵自己
既然自己能夠完成咁有挑戰性嘅任務，咁就需要鼓勵自己，推動自己完成任務，接受更多挑戰。獎勵嘅内容可以好簡單，例如睇一集自己鍾意嘅劇集、打一局遊戲，最重要係能夠激勵自己按時完成任務，令自己有所成長。喺工作上擁有良好嘅心態，將會提升你對工作嘅滿意度同熱誠，讓你積極面對工作。
拖延症係可以解決，亦都無需要抱有咁大壓力。聽完以上3個方法之後，希望俾到大家勇氣一齊重拾工作，唔洗再做Deadline Fighters啦！
對於實踐可持續發展目標(SDGs)就絕對不能拖延！實行企業社會責任及可持續發展在企業中十分重要，因為除了增加利潤之外，企業還應用可持續發展的方式運營來對社會負責，並以最大限度地減少對全球環境的影響，實踐可持續發展目標(SDGs)，同時用可持續發展的方式塑造企業對社會的正面形象。
延伸閱讀了解更多：
MomendayX：香港本地社企 x 可持續發展目標搜尋器
MomendayX自2021年開始一直主動發掘香港社會企業(社企)，經香港社創基金支持下成立「本地社企搜尋器」，助企業、機構和普羅大眾認識更多幫助社會並且達到可持續發展(SDGs)目標的香港社企。
Comments