因爲疫情嘅緣故，留喺屋企嘅時間長咗，無論工作上課定係玩樂都困喺屋企，日日著住套睡衣好hea？今次就推薦5個喺居家抗疫期間都可以保持儀式感嘅方法，希望大家抗疫嘅同時都有啲生活樂趣。
目錄：
1.換衫
大家或者會著啲唔再著出街嘅舊衫當睡衣，望得耐越來越邋遢，可能會憔悴咗𠻹。其實唔止出街見人要打扮，留喺屋企都要對自己好啲，著翻套鍾意又好睇嘅睡衣，心情都愉快啲。
即使唔洗出街，都可以係屋企打扮得靚啲，令自己身心進入另一個狀態。例如運動就著翻套運動裝、返工或者約朋友Facetime見面著吓新衫等，幫助自己無論服裝上定係心理上都切換狀態，而唔係全部情況都著住睡衣面對，令自己停留喺瞓覺或者剛起身嘅狀態。
2.整早餐
「一日之計在於晨」大家都聽過，爲自己整早餐，花啲時間專心享受早餐嘅時間，等自己變得清醒，調整精神同心情預備一整日嘅活動。整早餐嘅整個過程由預備食物、烹煮、擺盤等等，都可以花啲心思、嘗試下新嘅做法，帶住愉快的心情享受，令單調乏味的抗疫生活開心啲。
3.Make a List
喺開工之前不妨花少少時間寫低今日啲計劃或者目標，俾自己時間沉澱下，令自己可以有一個清晰明確嘅規劃同掌握；即使喺開始工作之後，都可以透過清單提醒自己的進度，專心當下，唔會不斷顧慮其他係腦海入面未做完嘅事情。
4.同朋友「見面」
雖然疫情阻隔，令我地同朋友無辦法面對面見面相處，但係都可以透過科技同朋友喺線上見下面傾下計。大家見下面，互相關心，睇到大家啲表情反應，感覺真實啲，距離近啲，彌補只係用通訊軟件見唔到面嘅隔閡。
5.劃分時間與家人相處
除咗關心朋友，同一屋簷下嘅屋企人都好需要我地花啲時間陪伴。同屋企人相處有好多方法，家家都有唔同嘅相處模式，例如幫手煮吓飯、一起食飯煲劇、玩吓Board Games等。即使居家隔離可能分開唔同空間，各自有工作學業好忙，無法經常接觸，但都可以揾方法抽時間相處下，最緊要俾屋企人感受到互相扶持，疫情下互相依靠，令家庭氣氛融洽啲。
村上春樹曾講過：「儀式是一件很重要的事。它讓我們對在意的事情心懷敬畏，讓我們對生活更加銘記和珍惜。」就算抗疫要留喺屋企，大家都可以保持良好的習慣，有愉快嘅心情，過好生活。
除了關心員工的心身靈健康，其實實行企業社會責任及可持續發展在企業中十分重要，因為除了增加利潤之外，企業還應用可持續發展的方式運營來對社會負責，並以最大限度地減少對全球環境的影響，實踐可持續發展目標(SDGs)，同時用可持續發展的方式塑造企業對社會的正面形象。
延伸閱讀了解更多：
MomendayX：香港本地社企 x 可持續發展目標搜尋器
MomendayX自2021年開始一直主動發掘香港社會企業(社企)，經香港社創基金支持下成立「本地社企搜尋器」，助企業、機構和普羅大眾認識更多幫助社會並且達到可持續發展(SDGs)目標的香港社企。
Comments