今個個星期除咗有萬衆期待嘅《華燈初上》第三部之外，仲有唔少值得期待嘅Netflix 影集。今次就搶先介紹5部即將上映嘅影集俾大家，等大家期待下！
目錄：
1.《華燈初上》（第三季）
（相片來源：華燈初上 Facebook）
類型： 台劇、劇情、懸疑
集數：8
等咗咁耐終於等到第三季上映啦，預告揭示咗唔少複雜、撲朔迷離嘅秘密，到底最後的真凶係邊個？當中又有幾多不可告人嘅内幕？3月18號下午4點就會向全球Netflix影迷揭開更多命案真相。
2.《謗法》
（相片來源：韓星網Korea Star Daily）
類型：韓劇、驚悚、靈異
集數：12
2020年2月《謗法》已經係韓國播出，由《冠軍大叔》同《屍速列車》導演合力打造。故事講述一名致力追查真相嘅記者同可以對人落致命詛咒嘅少女聯手合作，對抗大型科技公司嘅惡魔執行長。開播之前先講聲故事非常恐怖，有唔少靈異恐怖死法嘅場面，就例如四肢曲折暴斃，所以大家想睇嘅話可以先做定功課，或者揾埋朋友一齊驚！
3.《Prince of Legend》
（相片來源：Netflix official site）
類型：日劇、浪漫、喜劇
集數：10集+劇場版
劇情講述喺聖寶石學園裏面一群為咗爭奪成爲「傳奇王子」嘅故事，而爭奪頭銜的兩位重要主角分別係富家公子朱雀（片寄涼太飾）同壞學生京極（鈴木伸之飾）。鍾意日本靚仔男星、想發掘更多靚仔明星嘅你、或者想笑下放鬆下，不妨期待3月21日喺Netflix上映嘅《Prince of Legend》
4.《純素敗類：名譽、詐欺、逃犯》
（相片來源：Netflix official site）
類型：美劇、真實犯罪紀錄片
集數：4
Netflix影集嘅詐騙風潮一浪接一浪，唔只有《Tinder詐騙王》、《創造安娜》，嚟緊3月16日將會有《純素敗類：名譽、詐欺、逃犯》，講述紐約知名純素餐廳老闆Sarma Melngailis認識一位神秘男人後由「純素天后」淪落成詐騙犯嘅故事。究竟背後嘅故事係點樣？嚟份變質嘅愛情點樣影響嚟位「純素天后」嘅經歷？
5.《意國幸福方程式》
（相片來源：Netflix official site）
類型：意大利、喜劇、Talk show
集數：6
究竟幸福係咩？意大利主持人亞歷桑德·卡特蘭Alessandro Cattelan親自採訪同體驗唔同嘅幸福方程式，包括意大利著名導演保羅·索倫蒂諾 Paolo Sorrentino，爲觀衆揾出到底何謂幸福，爲你喺居家抗疫期間帶嚟好心情。
以上5套影集將會本星期喺Netflix上架，大家有興趣就快啲上Netflix set 定「提醒我 Remind Me」功能加入「我的片單」，咁到時就唔會錯過精彩節目啦！
實行企業社會責任及可持續發展在企業中十分重要，因為除了增加利潤之外，企業還應用可持續發展的方式運營來對社會負責，並以最大限度地減少對全球環境的影響，實踐可持續發展目標(SDGs)，同時用可持續發展的方式塑造企業對社會的正面形象。
延伸閱讀了解更多：
MomendayX：香港本地社企 x 可持續發展目標搜尋器
MomendayX自2021年開始一直主動發掘香港社會企業(社企)，經香港社創基金支持下成立「本地社企搜尋器」，助企業、機構和普羅大眾認識更多幫助社會並且達到可持續發展(SDGs)目標的香港社企。
Comments