疫情喺屋企悶悶地無嘢做？煲劇煲到無嘢好睇？不如花少少時間同屋企人玩吓Board Games 啦！今次推介3款卡牌類Board Games，最少兩個人就玩到，玩法簡單之餘又可以動吓腦筋。
目錄
1.機密代號
（圖片來源：栢龍玩具有限公司）
游戲人數：2-8人
時間：15-20分鐘
類型：猜謎、陣營
機密代號(Codenames)係一款合作式嘅猜謎遊戲。 玩家要共同努力合作估出自己嗰隊嘅代號卡，而隊長要提供線索俾你嘅隊友一齊搵出屬於自己陣營嘅代號。如果估中殺手卡，嗰隊就會即刻輸！
2.病毒在跳舞
（圖片來源：栢龍玩具有限公司）
游戲人數：2-6人
時間：15-20分鐘
類型：卡牌、通關
病毒在跳舞（Virus!）係一款輕鬆歡樂嘅卡牌遊戲。玩家要扮演一名密醫面對病毒，盡快蒐集健康嘅器官搶救自己。玩家仲可以用病毒感染、摧毀、偷取其他玩家嘅器官， 爭取早一步組成一組健康嘅身體，非常刺激！遊戲仲設有空白卡，俾你打破框框，自訂規則，增加自己嘅勝算！
3.矮人礦坑
（圖片來源：栢龍玩具有限公司）
游戲人數：3-10人
時間：30分鐘
類型：卡牌、陣營
矮人礦坑(Saboteur)係一個陣營類嘅卡牌游戲。每個玩家都要幻想自己係勤勞嘅小矮人，被分為兩個陣營——「好矮人」同「壞矮人」，開發地下坑道來挖金礦賺大錢。 過程中可以透過行動牌幫助或者陷害其他人，「好矮人」合力將道路連接到有金礦嘅目標牌上，一齊挖到金礦贏得遊戲，相反「壞矮人」就要合力阻止「好矮人」。
除咗可以同員工玩呢3款卡牌類Board Games，與員工建立良好關係，其實實行企業社會責任及可持續發展在企業中十分重要，因為除了增加利潤之外，企業還應用可持續發展的方式運營來對社會負責，並以最大限度地減少對全球環境的影響，實踐可持續發展目標(SDGs)，同時用可持續發展的方式塑造企業對社會的正面形象。
延伸閱讀了解更多：
MomendayX自2021年開始一直主動發掘香港社會企業(社企)，經香港社創基金支持下成立「本地社企搜尋器」，助企業、機構和普羅大眾認識更多幫助社會並且達到可持續發展(SDGs)目標的香港社企。
Comments